સંસદ કેમ્પસમાં અપક્ષ સાંસદ પપ્પુ યાદવ અને કોંગ્રેસ સાંસદ રાહુલ ગાંધીએ રામમંદિર દાન ચોરી પર 'નાટક' કર્યું. મોર્નિંગ ન્યૂઝ બ્રીફમાં આગળ જણાવીશું કે કોમનવેલ્થના જેવલિન થ્રોમાં ભારતે 2 મેડલ જીત્યા.

⏰ આજની ઈવેન્ટ્સ, જેના પર રહેશે નજર

1. PM મોદીનો આંધ્ર પ્રદેશ અને કર્ણાટકનો પ્રવાસ, આંધ્રમાં એરપોર્ટ અને કર્ણાટકમાં સેમિકન્ડક્ટર પ્લાન્ટનું ઉદ્ઘાટન કરશે.

2.. દિલ્હીમાં આમ આદમી પાર્ટીની E20 ફ્યુઅલના વિરોધમાં કોન્સ્ટિટ્યુશન ક્લબમાં બેઠક.

📰 કાલના મોટા સમાચારો

1. પપ્પુ યાદવ પૂજારી બનીને સંસદ પહોંચ્યા, રાહુલ ગાંધીએ દાન આપ્યું:રામ મંદિરમાં ચોરી મામલે વિપક્ષનું પ્રદર્શન, હોબાળો; લોકસભા- રાજ્યસભા સોમવાર સુધી સ્થગિત

વિરોધ પક્ષના સાંસદોએ શુક્રવારે સંસદ પરિસરમાં રામ મંદિરના દાન ચોરી મામલે વિરોધ પ્રદર્શન કર્યું. સાંસદ પપ્પુ યાદવ પૂજારીના વેશમાં દાનપેટી લઈને પહોંચ્યા હતા.

રાહુલ ગાંધી સહિત ઘણા વિરોધ પક્ષના સાંસદોએ તેમાં દાન આપ્યું. સાથે જ સાંસદો બેનર લઈને પહોંચ્યા હતા જેમાં 'અમિત શાહ સંસદમાંથી ગાયબ કેમ?' લખેલું હતું. સંપૂર્ણ સમાચાર વાંચો

2. દિલ્હી રમખાણ: પૂર્વ AAP કાઉન્સિલર તાહિર સહિત 5ને આજીવન કેદ:IB અધિકારીની હત્યાના દોષિત; કોર્ટે કહ્યું- આ ઘટનાએ સમાજને હચમચાવી દીધો

2020ના દિલ્હી રમખાણો દરમિયાન IB અધિકારી અંકિત શર્માની હત્યાના કેસમાં કડકડડૂમા કોર્ટે શુક્રવારે પૂર્વ કાઉન્સિલર તાહિર હુસૈન સહિત 5 દોષિતોને આજીવન કેદની સજા સંભળાવી.

કોર્ટે કહ્યું કે આ અત્યંત ગંભીર ઘટના હતી, જેણે સમાજને હચમચાવી દીધો હતો. દિલ્હી પોલીસે દોષિતો માટે ફાંસીની સજાની માંગ કરી હતી. સંપૂર્ણ સમાચાર વાંચો

3. CM શુભેન્દુની રેકી કરી રહેલો જૈશનો આતંકવાદી પકડાયો:બંગાળ પોલીસને ઘરમાંથી દસ્તાવેજો મળ્યા; પુલવામા હુમલાનો માસ્ટરમાઈન્ડ સજ્જાદ ભટની નજીકનો

બંગાળ પોલીસએ પૂર્વ બર્ધમાન જિલ્લામાંથી જૈશ-એ-મોહમ્મદના શંકાસ્પદ આતંકવાદીની ધરપકડ કરી છે. બંગાળ પોલીસની સ્પેશિયલ ટાસ્ક ફોર્સ (STF) એ હામિદ મંડલ નામના આ વ્યક્તિને ગુરુવારે મોડી રાત્રે એક હાઉસિંગ કોમ્પ્લેક્સમાંથી પકડ્યો હતો.

પોલીસ સૂત્રોનું કહેવું છે કે તપાસ એજન્સીઓની નજરથી બચવા માટે મંડલ છેલ્લા બે થી ત્રણ મહિનાથી છુપાયેલો હતો. જોકે, પડોશીઓનો દાવો છે કે તે પરિવાર સાથે લગભગ દોઢ વર્ષથી ત્યાં રહેતો હતો. સંપૂર્ણ સમાચાર વાંચો

4. સ્પેનમાં ઘુસવા 60 હજાર પ્રવાસીઓ પહોંચ્યા, 34નાં મોત:પોલીસથી બચવા નાસભાગ મચી; શ્વાસ રુંધાતા, દરિયામાં ડુબતા મોતને ભેટ્યાં

સ્પેનમાં બળજબરીપૂર્વક પ્રવેશવાનો પ્રયાસ કરતી વખતે 34 આફ્રિકન પ્રવાસીઓના મોત થયા. ન્યૂઝ એજન્સી AP અનુસાર, આ ઘટના ગુરુવારે સવારે બની હતી, જ્યારે 3 હજાર પ્રવાસીઓ એકસાથે સ્પેનમાં પ્રવેશવાનો પ્રયાસ કરી રહ્યા હતા.

સરહદ પર પોલીસની ઘેરાબંધી અને સુરક્ષા વાડ વચ્ચેના સાંકડા રસ્તાઓને કારણે લોકો એકબીજા પર પડી ગયા. ભીડમાં દબાઈ જવા, શ્વાસ રૂંધાવા અને સમુદ્રમાં ડૂબી જવાને કારણે આ દુર્ઘટના થઈ. આ દરમિયાન સ્પેન અને મોરોક્કોના 100થી વધુ સૈનિકો પણ ઘાયલ થયા. સંપૂર્ણ સમાચાર વાંચો

5. કોમનવેલ્થ ગેમ્સમાં નીરજે જેવલિનમાં સિલ્વર જીત્યો:ભારતના યશવીરે છેલ્લા થ્રોમાં બ્રોન્ઝ જીત્યો, પથિરાગેને ગોલ્ડ મળ્યો; પાકિસ્તાનનો અરશદ ટૉપ-8માં પણ ન પહોંચ્યો

કોમનવેલ્થ ગેમ્સના મેન્સ જેવલિન થ્રો ફાઇનલમાં ભારતના નીરજ ચોપરાએ સિલ્વર મેડલ જીત્યો. નીરજે 85.83 મીટરનો બેસ્ટ થ્રો કર્યો. શ્રીલંકાના રુમેશ પથિરાગેએ 89.75 મીટરના થ્રો સાથે ગોલ્ડ જીત્યો.

ભારતના યશવીર સિંહે છેલ્લે 85.41 મીટરનો પર્સનલ બેસ્ટ થ્રો કરીને બ્રોન્ઝ મેડલ પોતાના નામે કર્યો. બીજી તરફ, પાકિસ્તાનનો ઓલિમ્પિક ચેમ્પિયન અરશદ નદીમ ટૉપ-8માં પણ જગ્યા બનાવી શક્યો નહીં અને ત્રણ રાઉન્ડ પછી જ બહાર થઈ ગયો.

નીરજે પહેલા પ્રયાસમાં 80.97 મીટર અને બીજા પ્રયાસમાં 85.83 મીટરનો થ્રો કરીને સરસાઇ મેળવી લીધી હતી. જોકે, બીજા રાઉન્ડમાં જ પથિરાગેએ 89.75 મીટર ફેંકીને પ્રથમ સ્થાન મેળવી લીધું. આ પછી નીરજ તેના આગળના પ્રયાસોમાં અંતર વધારી શક્યો નહીં અને સિલ્વર પર જ રહ્યો.

ભારત માટે એથ્લેટિક્સમાં વધુ એક મેડલ તેજસ્વિન શંકરે અપાવ્યો. તેણે 7976 પોઇન્ટ્સ સાથે ડેકેથેલોનનો બ્રોન્ઝ મેડલ જીત્યો. આ કોમનવેલ્થ ગેમ્સના ઇતિહાસમાં ડેકેથેલોનમાં ભારતનો પ્રથમ મેડલ છે. સંપૂર્ણ સમાચાર વાંચો

6. સુરતના અંબિકામાં 19 ઈંચ વરસાદથી જળબંબાકાર:10 વાગ્યા સુધી 24 જિલ્લામાં રેડ એલર્ટ, 201 તાલુકામાં મેઘરાજાની બેટિંગ; આણંદમાં 3 બાળકો તણાયા, એકનું મોત

‘રેડ એલર્ટ’ની આગાહી સાથે સવારના 6થી રાત્રિના 8 વાગ્યા સુધીમાં 201 તાલુકામાં સૌથી વધુ સુરતના અંબિકા તાલુકામાં 19 ઈંચ, તાપીના ડોલવણ અને નવસારીના વાંસદામાં 14-14 ઈંચ વરસાદ ખબાક્યો છે, જ્યારે 5 તાલુકામાં 10થી 13 ઈંચ તો 30 તાલુકામાં 5થી 9 ઇંચથી વધુ વરસાદથી જળબંબાકારની સ્થિતિ સર્જાઈ છે. નવસારીમાં ભારે વરસાદ વચ્ચે કરંટ લાગતા 3 લોકોના મોત થયાં છે. સંપૂર્ણ સમાચાર વાંચો

અમદાવાદમાં પણ ધોધમાર વરસાદ

અમદાવાદ શહેરના પૂર્વ અને પશ્ચિમના વિસ્તારોમાં ધોધમાર વરસાદ વરસ્યો હતો. જેમાં એસજી હાઈવેના પેલેડિયમ મોલ પાસે અને ઈન્ડિયા કોલોની તેમજ સરસપુર વિસ્તારમાં તો પાણી ભરાયા હતા. શહેરમાં સરેરાશ એક ઇંચ વરસાદ અને બોપલ અને ઘુમામાં બે ઇંચ વરસાદથી પાણી ભરાયા હતા. તેમજ તમામ સ્કૂલોમાં 1 ઓગસ્ટે રજા જાહેર કરવામાં આવી છે. સંપૂર્ણ સમાચાર વાંચો

7. ભારતમાં પ્રથમ વખત ટ્રેનમાં 'લાઇવ હાર્ટ' લવાયું:વંદે ભારતમાં સાડા ત્રણ કલાકમાં સુરતથી અમદાવાદ પહોંચાડાયું; યુ.એન.મહેતા હોસ્પિટલમાં થશે પ્રત્યારોપણ

સુરતની નવી સિવિલ હોસ્પિટલમાં 96મું સફળ અંગદાન થયું છે. રેલવેએ આરોગ્ય સેવાના ક્ષેત્રમાં પ્રથમ વખત વંદે ભારત એક્સપ્રેસ ટ્રેન મારફતે જીવંત હૃદય એટલે કે 'લાઇવ હાર્ટ'નું સફળતાપૂર્વક પરિવહન કર્યું છે. સુરતથી અમદાવાદ સુધી સમયસર લાઇવ હાર્ટ પહોંચાડીને એક દર્દીને નવજીવન આપવાના પ્રયાસને સફળ બનાવવામાં આવ્યો છે.

ઓડિશાના વતની અને કીમના પીપોદ્રાના સંચા ખાતામાં કામ કરતા મિથુન નામના યુવકના હાર્ટને વંદે ભારતમાં 217 મિનિટમાં અમદાવાદ પહોંચાડાયું હતું, જેના માટે અમદાવાદ રેલવે સ્ટેશનના પ્લેટફોર્મ નંબર-1થી યુ.એન. મહેતા હોસ્પિટલ સુધી ગ્રીન કોરિડોર તૈયાર કરાયો હતો. મિથુનના 2 કિડની, લીવર અને હૃદયના દાનથી 4ને નવજીવન મળશે. સંપૂર્ણ સમાચાર વાંચો

🎭 આજનું કાર્ટૂન

⚡ કેટલાક મહત્વના સમાચારો હેડલાઈનમાં

1. નેશનલઃ જમ્મુ-કાશ્મીરના CM ઓમર અબ્દુલ્લા અને પાયલના છૂટાછેડા:સુપ્રીમ કોર્ટમાં પરસ્પર સંમતિથી સંબંધ તોડ્યો; 32 વર્ષ પહેલા લગ્ન થયા હતા, 2011થી અલગ રહે છે (સંપૂર્ણ સમાચાર વાંચો)

2. વિદેશઃ કેનેડામાં 500 પંજાબી વિદ્યાર્થીઓ પર ડિપોર્ટેશનનો ખતરો:છોકરીઓ ડિપ્રેશનમાં, કહ્યું- પરિવાર પર દેવું, ₹20 લાખ ખર્ચીને આવ્યા; વાવાઝોડા-વરસાદમાં પણ પ્રદર્શન કરી રહ્યા છે (સંપૂર્ણ સમાચાર વાંચો)

3. નેશનલઃ જમ્મુ-કાશ્મીરના CM ઓમર અબ્દુલ્લા અને પાયલના છૂટાછેડા:સુપ્રીમ કોર્ટમાં પરસ્પર સંમતિથી સંબંધ તોડ્યો; 32 વર્ષ પહેલા લગ્ન થયા હતા, 2011થી અલગ રહે છે (સંપૂર્ણ સમાચાર વાંચો)

4. વિદેશઃ ગેંગસ્ટર ઉઝૈર બલોચના ભાઈને ગોળીઓથી વીંધી નાખ્યો:હાલત ગંભીર, લ્યારીમાં ફરી ગેંગવોર ભડકવાનો ડર; ધુરંધર ફિલ્મથી ચર્ચામાં આવ્યો ઉઝૈર (સંપૂર્ણ સમાચાર વાંચો)

5. સ્પોર્ટ્સઃ 2027 વન-ડે વર્લ્ડકપના 12 યજમાન શહેરોની જાહેરાત:સાઉથ આફ્રિકામાં 8 સ્થળો, ઝિમ્બાબ્વે-નામિબિયા પણ યજમાન; 24 વર્ષ પછી આફ્રિકામાં વર્લ્ડકપ (સંપૂર્ણ સમાચાર વાંચો)

6. બિઝનેસઃ 8મું પગાર પંચ: ફિટમેન્ટ ફેક્ટર અને ભલામણો પર પહેલીવાર બોલી સરકાર, સંસદમાં જવાબ આપ્યો (સંપૂર્ણ સમાચાર વાંચો)

7. ધર્મઃ રવિવારે સંકષ્ટી ચતુર્થી:ગણપતિ બાપ્પાની પૂજાનું વિશેષ મહત્ત્વ, જાણો પાપકર્મ અને વિઘ્નોમાંથી મુક્તિ મેળવવાની વિધિ (સંપૂર્ણ સમાચાર વાંચો)

🗣️ ચર્ચિત નિવેદન

😲 અજબ ગજબ

પોપટને શોધનારને 50 હજારનું ઇનામ

મધ્ય પ્રદેશમાં એક પરિવારનો માદા પોપટ ત્રણ દિવસથી ગુમ છે. પરિવારે તેને શોધનારને ₹50 હજાર ઇનામ આપવાની જાહેરાત કરી છે. આ માટે આખા શહેરમાં ઢંઢેરો પણ પીટાવવામાં આવ્યો.

🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ

1. Editor's View: પેટ્રોલમાં કમાણીનો ગજબ ખેલ:ઇથેનોલથી માઇલેજ ઘટે છે, ઢોલ પીટ્યા પછી ગડકરીએ સ્વિકાર્યું, બે મંત્રીઓનાં વિરોધાભાસથી મોદી સરકાર ભેરવાઇ

2. પપ્પુ યાદવે પૂજારી બનીને દાન ચોરીનું ‘નાટક’ કર્યું:રાહુલે દાનપેટીમાં પૈસા નાખ્યા, બિરલાએ ચેતવણી આપી- આ ગૃહની ગરિમા વિરુદ્ધ

3. VIP રૂમ, ઓલિમ્પિક સ્વિમિંગ પુલ અને વર્લ્ડ ક્લાસ સ્ટેડિયમ:અમદાવાદમાં ₹250 કરોડથી વધુના ખર્ચે હાઇટેક સ્પોર્ટસ સંકુલ બનશે, હાઇ સિક્યોરિટી સેલ પણ હશે

4. અમદાવાદ પ્લેન ક્રેશમાં સ્ફોટક ખુલાસો:ઈમરજન્સી ટર્બાઈન બહાર લટકતું હતું, ગ્રાઉન્ડ પર જ વોર્નિંગ મળી'તી, ફાઇનલ રિપોર્ટમાં વિલંબ કેમ, ચાર સવાલથી સરકાર શંકાના ઘેરામાં

5. હાથ છે, પણ પગથી ચાલે છે જેતપુરની વંદનાની જિંદગી:શરીર ધ્રુજે છે, જીભ સાથ નથી આપતી; આખરી ઇચ્છા- અમિતાભ બચ્ચનને મળવું છે

6. રામાયણમાં માનતા પરિવારની દીકરી ગુજરાતી મુસ્લિમને પરણી:સોનાક્ષી સિંહાના સગા ભાઈઓ લગ્નમાં ના આવ્યા, સસરાના દુબઈમાં શંકાસ્પદ ધંધા ચાલે છે?

🌍 કરંટ અફેર્સ

⏳ આજના દિવસનો ઈતિહાસ

📊​​​​​​​ માર્કેટની સ્થિતિ